အဖြူဆင်းခြင်းကို ဘယ်လို ထိန်းချုပ်မလဲ

အဖြူဆင်းခြင်းကို ဘယ်လို ထိန်းချုပ်မလဲ
============================

အမျိုးသမီးတွေမှာ အဖြူဆင်းခြင်းဟာ အများအားဖြင့် သာမန်ပါပဲ။ ဒါပေမယ့် အဖြူဆင်းတဲ့ ပမာဏက ရောဂါပိုး ကူးစက်မှု၊ ဟော်မုန်း ပြောင်းလဲမှု၊ နာမကျန်းမှုနဲ့ စိတ်ဖိစီးမှုတွေကြောင့် ပြောင်းလဲနိုင်ပါတယ်။ တချို့ အမျိုးသမီး တွေဟာ သဘာဝအရကို အဖြူများများ ဆင်းတတ်ပြီး ဓမ္မတာ ရာသီစက်ဝန်းအတွင်း အပြောင်းအလဲ ရှိတတ်ပါတယ်။

အဆင့် (၁)
နေ့စဉ်သုံး အပါး (Pantyliner) သုံးပါ။ အဖြူဆင်းတာကို မရပ်စေနိုင်ပေမယ့် သင့်ကို သန့်ရှင်းလန်းဆန်းတဲ့ စိတ်ခံစားမှု ဖြစ်စေနိုင်ပါတယ်။

အဆင့် (၂)
ချည်သားအောက်ခံ ဘောင်းဘီကိုသာ ဝတ်ပါ။ လေဝင်လေထွက် ကောင်းစေပြီး ခြောက်သွေ့အောင် ကူညီနိုင်ပါတယ်။

အဆင့် (၃)
အိမ်သာသုံး တစ်သျှုးစက္ကူကို အဖြူရောင်၊ အနံ့မပါတာကိုသာ သုံးပါ။ မွှေးရနံ့တွေနဲ့ အရောင်ဆိုးဆေးတွေဟာ ယားယံစေပြီး အဖြူ ပိုဆင်းစေနိုင်ပါတယ်။

အဆင့် (၄)
မိန်းမကိုယ် အနံ့ပျောက် စပရေး (Vaginal Deodorant Spary) တွေကို မသုံးပါနဲ့။ ယားယံစေနိုင်ပါတယ်။

အဆင့် (၅)
သင်ဟာ သန္ဓေတားသောက်ဆေးတွေ သောက်နေရသူ ဖြစ်ရင်၊ ဆေးစသောက်ပြီးမှ အဖြူဆင်းတဲ့ ပြဿနာ ဖြစ်လာရင် ဆရာဝန်နဲ့ တိုင်ပင်ပြီး တခြားဆေး ဒါမှမဟုတ် နည်းလမ်းပြောင်းဖို့ စဉ်းစားပါ။

အဆင့် (၆)
အဖြူဆင်းတာဟာ ဘယ်အချိန်မှာ အများဆုံးဆင်းလဲနဲ့ ဘယ်အချိန်မှာ အနည်းဆုံး ဆင်းလဲဆိုတာ မှတ်ထားပါ။ ဒါမှသာ ဘယ်အချက်တွေက အဖြူဆင်းတဲ့ ပြဿနာကို ဖြစ်စေတာလဲဆိုတာ ရှာနိုင်မှာပါ။

အဆင့် (၇)
အဖြူဆင်းတဲ့ ပုံစံက ပြောင်းလဲသွားရင် ဆရာဝန်နဲ့ တွေ့ဆုံစစ်ဆေးပါ။ အဖြူဆင်းတာဟာ ရောဂါ ပိုးကူးစက်မှု၊ ဟော်မုန်းမညီမျှမှုနဲ့ တခြားရောဂါတွေရဲ့ လက္ခဏာလည်း ဖြစ်နိုင်ပါတယ်။

သတိပြုရန်
သင်ဟာ လိင်ဆက်ဆံမှု ရှိရင် အဖြူဆင်းတဲ့ ပုံစံပြောင်းလဲမှုဟာ လိင်ဆက်ဆံမှုမှ တစ်ဆင့် ကူးစက်နိုင်တဲ့ ရောဂါတွေကြောင့် ဖြစ်နိုင်ပါတယ်။ ဒါမှ မဟုတ် ကိုယ်ဝန်ရှိတာလည်း ဖြစ်နိုင်ပါတယ်။ ဆရာဝန်နဲ့ စစ်ဆေးပါ။ အဖြူဆင်းတာက အလွန်များပြီး အနံ့နံမယ်၊ အရောင်ရှိမယ် ဆိုရင်လည်း ရောဂါ တစ်ခုခုကြောင့် ဖြစ်နိုင်တဲ့အတွက် ဆရာဝန်ပြပါ

Mg Mandalay