သဘာဝလား ???၊ မီးယပ်ဖြူလား ???.....

"သဘာဝလား?? မီးယပ်ဖြူလား??"
========================

ဆေးရုံဆေးခန်းမှာလာပြတဲ့အမျိုးသမီးလူနာတွေရဲ့ ၃ ပုံ တစ်ပုံလောက်ဟာ အဖြူဆင်းလို့ဆိုတဲ့ပြဿနာနဲ့ လာတတ်ကြတာဖြစ်ပါတယ်။
မိန်းကလေးမှန်ရင် အဖြူဆင်းတတ်တာ သဘာဝပဲဆိုပေမယ့် တချို့ ကပထမဆုံးမို့ တချို့ကတော့ ကြာနေလို့ ရောဂါတစ်ခုခု ရှိနေမှာစသဖြင့် စိုးရိမ်တတ်ကြပါတယ်။အဓိက ထင်ယောင်ထင်မှားဖြစ်တတ်တာကတော့ ကင်ဆာဖြစ်နေမှာစိုးလို့ဆိုတဲ့ ပူပန်မှုပဲဖြစ်ပါတယ်။
ဒီလို လာပြတဲ့အခါ ဆရာဝန်တွေဘက်က ရောဂါရာဇဝင်မေး စမ်းသပ်စစ်ဆေးမှုတွေပြုလုပ် လိုအပ်ရင် ဓာတ်ခွဲအဖြေရှာ မှုတွေပြုပြီးလိုအပ်တဲ့ကုသမှုတွေကို ပြုလုပ်ကြရပါတယ်။ အများစု ဟာ ပျောက်ကင်းသွားနိုင်ကြပေမယ့် စောစောစီးစီး ပြသင့်တာကိုမပြရင် (သို့မဟုတ်) ရောဂါ ရဲ့သဘာဝ မိမိမှာဖြစ်စေတဲ့အဓိကအကြောင်းရင်း ကုသမှုနဲ့ဆောင်ရန်ရှောင်ရန်လေးတွေကို သိမထားဘူးဆိုရင်လည်ီးအဖြူဆင်းတဲ့ပြဿနာဟာ အပ်နဲ့ထွင်းရမှာကိုပုဆိန်နဲ့ပေါက်ရစေနိုင်ပါတယ်။
နောက်ဆက်တွဲဆိုးကျိုးတွေကိုသိထားဖို့လည်းသင့်ပါတယ်။
ဒီတော့ လူနာတစ်ယောက်ဟာ--
**မိမိမှာဖြစ်တာ ဘယ်လို ဖြစ်ပြီးဘာကြောင့်ဖြစ်သလဲ??(သာမန်အဖြူဆင်းတာလားရောဂါတစ်ခုခုကြောင့်လား)ဆိုတာသိရပါမယ်။
**ကုသမှုအကြောင်းနဲ့ဘယ်လောက်ထိလိုက်နာကုသဖို့လိုသလဲ??ထိုးဆေး/သောက်ဆေး /ထည့်ဆေး စတာတွေကို တတ်ကျွမ်းနားလည်တဲ့ ဆရာဝန်ညွှန်ကြားထားတဲ့အတ်ုင်းတိတိကျကျလိုက်နာတတ်ဖို့လည်းလိုပါတယ်။
**တကယ်လို့ ရောဂါကုသလို့မပျောက်ခဲ့ရင် လိုအပ်ခဲ့ရင် ကိုယ်တိုင်ချို့ယွင်းမှုကြောင့် ကုသမှုမပြည့်စုံခဲ့ရင်ဘယ်လို အကျိုးဆက်တွေ ကြုံရနိုင်တယ်ဆိုတာလည်းသိထားသင့်ပါတယ်။
**ရောဂါမဖြစ်ပွားအောင်/ ထပ်မဖြစ်အောင် ဘာတွေဆောင်ရန်ရှောင်ရန်လိုမလဲဆိုတာတွေလည်းသိထားရပါမယ်။
-----------------------------------***-----------------------------------

အမျိုးသမီးများဘက်က အဖြူဆင်းတယ် ဆိုပြီးလာပေမယ့် ရောဂါတစ်ခုခုကြောင့် ဆင်းတာမျိုးမဟုတ်ဘဲ သာမန် အဖြူဆင်းတာမျိုးသာဖြစ်နေသူတွေလည်းတွေ့ရတာမနည်းပါဘူး။ ဒီလိုလူနာတွေအတွက်ကတော့ ဖြစ်နေတဲ့အခြေနေကို သိစေပြီး ရောဂါကြောင့်ဖြစ်တဲ့ အဖြူဆိုတာ ဘယ်လိုမျိုး၊ ရှေ့လျောက် ဆောင်ရန်ရှောင်ရန် လေးတွေနဲ့မှာလိုက်ရင် ဆေးမလိုပဲအဆင်ပြေသွားတတ်ကြပါတယ်။

သဘာဝအလျောက် အဖြူဆင်းတယ်ဆိုတာဘာလဲ??
--------------------------------------------------------------------------

-ဇီဝကမ္မပြောင်းလဲမှုကြောင့်ဆင်းတဲ့အဖြူ (Physiological discharge )လို့ခေါ်ပါတယ်။ အမျိုးသမီးတယောက်ရဲ့ မျိုးပွားလမ်းကြောင်းတလျောက်မှာရှိတဲ့ ဆဲလ်တွေ တစ်ရှုးတွေဟာ အပျိုဖော်ဝင်ချိန်ကစလို့ဖွံ့ဖြိုးလာကြပါတယ်။ ဖွံ့ဖြိုးမှုနဲ့အတူ အမျိုးသမီးတစ်ယောက်ရဲ့ဘဝ/ အလှတွေဖြစ်လာဖို့ ဟော်မုန်းအပြောင်းအလဲတွေပါဖြစ်လာရပါတယ်။ဟော်မုန်း စနစ်တွေပြောင်းလဲလာမှုနဲ့အတူ အမျိုးသားနဲ့အတူနေနိုင်ဖို့ ကလေးမွေးနိုင်ဖို့ လိုအပ်တဲ့ပြင်ဆင်မှုတွေလည်း လုပ်လာရပါတယ်။ ဒီအခါမျိုးပွားအင်္ဂါ လမ်းကြောင်းများတလျောက်စိုစွတ်မှု ချော့မွေ့စေမှုအတွက်အရည်လေးတွေ အချိန်နဲ့အမျှ စိမ့်ထွက်ပေးနေရပါတယ်။ အချိန်နဲ့အမျှလဲလှယ်နေတဲ့ဆဲလ်အသေအဟောင်းများကိုသန့်ရှင်းဖို့ ဒီလိုစိမ့်ထွက်လာတဲ့အရည်လေးတွေဟာအဖြူရောင်ဖျော့ဖျော့ရှိနေတတ်ပြီး သူ့ရဲ့ အဓိကတာဝန်ကတော့ မိန်းမကိုယ်နဲ့မွေးလမ်းကြောင်းတလျောက် ခြောက်ကပ်ကပ် ဖြစ်မနေစေဖို့ ရောဂါပိုးများ အလွယ်တကူဝင်ရောက်ခြင်းမှ တားဆီးပေးဖို့ အတူနေစဉ်မှာ အဆင်ပြေစေဖို့လည်း ပါဝင်ပါတယ်။

-မမျိုးဥကြွေချိန်
-ကိုယ်ဝန်ဆောင်ချိန်
-ဓမ္မတာပေါ်ခါနီးအချိန်
-စိတ်လှုပ်ရှားဖွယ်ရာ အခြေနေတွေမှာ ပိုဆင်းတတ်ပါတယ်။
ဒါပေမယ့် ဒီသဘာဝအဖြူဟာ အရောင်ဖြူဖျော့ဖျော့ နဲ့ ခပ်ကြည်ကြည်သာဖြစ်တတ်ပြီး

*မများပါဘူး(အတွင်းခံစိုရုံလောက်ပဲအများဆုံးဆင်းတတ်ပါတယ်)
*မယားပါဘူး
*အနံ့လည်းမဆိုးရပါဘူး
ဒီလိုလက္ခဏာတွေပဲရှိတယ်ဆို ရင် မိမိတို့ခံစားနေရတာဟာ ပုံမှန် သဘာဝအဖြူဆင်းတာလို့ သိထားရမှာဖြစ်ပြီး အရမ်းစိုးရိမ်လွန်စရာမလိုပါဘူး။
နောက်တစ်မျိုးကြုံတတ်သေးတာက အမျိုးသားနဲ့အတူနေပြီးကာမှ သဘာဝအတိုင်းဆင်းနေကျ အဖြူက များလာလို့သွေးရောင်ပါလာလို့စသည်ဖြင့် ဖြစ်နိုင်ပါသေးတယ်။ ဒီနေရာမှာတော့နှစ်ပိုင်းရှိနိုင်ပြီး သားအိမ်ခေါင်းလိုနေရာ က အတူနေစဉ် သွေးစိမ့်နိုင်တဲ့အခြေနေတစ်ခုခုကြောင့်ဖြစ်နိုင်သလို အတူနေပြီးသန့်ရှင်းရေးအားနည်းလို့(ကျန်သွားတာ)အနည်းအကျဉ်းထွက်တဲ့သွေးနဲ့ ရောသွားတာမျိုးလည်းဖြစ်နိုင်ပါသေးတယ်။

ဆရာတစ်ယောက် ပြောသလိုပြောရရင် တော့--
"မိန်းမမှန်ရင် အနီဆင်းရင်ဆင်း မဆင်းရင် အဖြူဆင်းနေမှာပဲ၊ မိန်းမမှန်ရင်တစ်ခုခုတော့ဆင်းနေမှာပဲ။ ဘာမှမဆင်းဘဲ ခြောက်ကပ်နေတာမျိုးကတော့ ကလေးတွေရယ် ၊ အဖွားကြီးတွေရယ်၊ မိန်းမအစစ်မဟုတ်သူတွေပဲရှိမယ်" လို့ပဲပြောရမှာဖြစ်ပါတယ်။ (အဲ့ဒီအရွယ်တွေ အဖြူဆင်းရင်တော့ ရောဂါတစ်ခုခုကြောင့် ဆင်းတာဖြစ်ဖို့များပါတယ်ဆိုတာကိုသတိပြုရပါမယ်)
--------------------------------***--------------------------------------

မီးယပ်ဖြူ(Pathological Vaginal Discharge)
-------------------------------------------------------------------

သဘာဝအတိုင်းဆင်းနေတာမျိုးထက်--
*များလာတယ်
*ယားယံမှုတွေရှိလာတယ်။
*အနံ့ကလည်းဆိုးလာတယ်(တချို့ကကိုယ့်အနံ့ကိုယ်မခံနိုင်အောင်ထိဖြစ်တတ်တယ်)
*အရောင်ကလည်းပြောင်းလာတယ်(အဖြူရောင်ကနေ ရင့်လာတာ၊ ဝါဖန့်ဖန့် စိမ်းရွှေရွှေဖြစ်လာတာ)
*အဖြူဖတ်တွေ အနှစ်တွေ လိုဖြစ်လာတယ်
*မိန်းမကိုယ်တဝိုက် မွေးလမ်းကြောင်းအဝတွေမှာ နီရဲရဲဖြစ်လာတယ်
*သွေးရောင်လွှမ်းမယ် ညိုပုပ်ပုပ် ဖြစ်လာတယ်
*ဆီးစပ်ကိုက်တာ၊ ခါးကိုက်ခါးနာတွေပါဖြစ်လာတယ်
*ကိုယ်လက်မအီမသာ နုံးချိချိဖြစ်တာပါခံစားရတယ် ဆိုရင် တော့ ရောဂါကြောင့်ဖြစ်တဲ့ အဖြူဆင်းခြင်း (သို့မဟုတ်) မီးယပ်ဖြူ(Pathological White Vaginal Discharge) လို့သိထားရမှာဖြစ်ပါတယ်။

ဘယ်အရာတွေကြောင့်မီးယပ်ဖြူဆင်းစေသလဲဆိုရင် မျိုးပွားလမမးကြောင်းတလျောက်ကို--
*မှိုစွဲခြင်း(eg. Candida)
*ဘက်တီးရီးယား(eg.Trichomonas, Gonorrhoea.)
*ဗိုင်းရပ်စ်(eg. HPV. HSV)
*အခြားကပ်ပါးပိုးမွှားများဝင်ရောက်ကူးစက်ခြင်းကြောင့် ဖြစ်စေပါတယ်။

ဒီပိုးမွှားတွေဟာဘယ်လိုခြေနေမှာပိုဝင်ရောင်နိုင်သလဲ??
-နာတာရှည်နာဖျားမှု။
-အအိပ်ပျက် အစားပျက် အလုပ်ပင်ပန်းမှုကြောင့် အားအင်ယုတ်လျော့ခြင်း။
-ရာသီဥတုပူပြင်းမှု။
-ပိုးသတ်ဆေးများရေရှည်သုံးစွဲနေရမှု
-တကိုယ်ရည်သန့်ရှင်းမှုအားနည်းခြင်း သိုမဟုတ် အသန့်လွန်ခြင်း။
-ကိုယ်ခံအားကျဆင်းစေသောအခြေအနေများနှင့် ဆေးဝါးများသုံးစွဲရမှု။
-ပဋိသန္ဓေတားသောက်ဆေးများရေရှည်သောက်သုံးမှု။
-သားဝေးပစ္စည်း ထည့်သွင်းသုံးစွဲမှုမှရောဂါပိုးဝင်ခြင်း။
-မျိုးပွားအင်္ဂါများရှိ ရောဂါအမျိုးမျိုး(ရောင်ယမ်းမှု/ အသားပိုများ/ ကင်ဆာများ)။
-ဆီးလမ်းကြောင်းပိုးဝင်ခြင်းနှင့် ဝမ်းရောဂါများ
-အမျိုးသမီးနှင့်အမျိုးသားတလှည့်စီကူသန်းနေသော ကာလသားရောဂါပိုးများကူးစက်ခံရခြင်း။
-အတွင်းခံ မသန့်ရှင်းမှု
-ထိန်းချုပ်နိုင်မှုမရှိသော ဆီးချိုရောဂါ
-အန္တရာယ်များသော ကိုယ်ဝန်ဖျက်ချခြင်းများ မှ ရောဂါပိုးဝင်ရောက်မှု စသည်ဖြင့် နည်းလမ်းပေါင်းမြောက်များစွာ က ရောဂါပိုးဝင်ရောက်မှု ရောဂါပိုး ပြန့်ပွားမှု ကိုအားပေးစေနိုင်ပါတယ်။

ရောဂါအခြေအနေကို ရောဂါဖြစ်ပွားပုံရာဇဝင်နဲ့ မျက်မြင်စမ်းသပ်စစ်ဆေးမှု တွေကတဆင့် အများစုကောက်ချက်စွဲနိုင်ပေမယ့် တခါတရံမှာ ဓာတ်ခွဲစမ်းသပ်စစ်ဆေးမှုတွေလည်းလိုကောင်းလိုအပ်တတ်ပါတယ်။

ဘယ်လိုပဲဖြစ်ဖြစ် ရောဂါဇစ်မြစ်ကိုသေချာသိဖို့အရေးကြီးသလို သိရင် ပျောက်ကင်းအောင်ကုသနိုင်ပါတယ်။ အချို့သော ကာလသားပိုးတွေကို( eg.Chlamydia & Gonorrhoea)တော့ မိမိရဲ့ အဖော် ခင်ပွန်း ကိုပါ တပြိုင်တည်း ကုသဖို့လိုအပ်လေ့ရှိပါတယ်။ ဒါမှသာ မိမိကပျောက်ကင်းသော်လည်း ခင်ပွန်းဆီကတဖန်ပြန်ကူးစက်ပြီးရောဂါပြန်ဖြစ်ဆေးမတိုးဘဲသံသရာလည်တာက်ုလည်းတားဆီးနိုင်မှာဖြစ်ပါတယ်။ ထိုကဲ့သို့တပြိုင်နက်ကုသမှုခံယူစဉ်မှာ အတူနေတာရှောင်ဖို့ သိုမဟုတ် အကာကွယ်(condom)သုံးပြီးမှ နေဖို့လည်းလိုအပ်ပြန်ပါတယ်။

ဖြစ်နိုင်တဲ့အခြေနေတွေ ဖြစ်စေတဲ့အခြေနေတွေကိုသိထားပြီး တဲ့အခါ နောက်ခံအခြေနေကို စောစောစီးစီးသိရအောင် မီးယပ်ဖြူဆင်းတယ်ဆိုတာသတိထားမိတာနဲ့ ကျွမ်းကျင်တဲ့ အထူးကုဆရာဝန်တွေနဲ့စောစောစီးစီးတိုင်ပင်ကုသ ခံသင့်ပါတယ်။ မိမိတို့ရဲ့ရောဂါကာကွယ်မှု အားနည်းခြင်း၊ ရောဂါဖြစ်လာရင်မပွင့်လင်းမှု၊ ဂရုမပြုမှု၊ ထိရောက်စောစီးစွာ ကုသမှုခံယူရန်ပျက်ကွက်မှု /အားနည်းမှုကြောင့် ဖြစ်စေနိုင်တဲ့ လူမှုဒုက္ခတွေဟာမနည်းလှဘူးဆိုတာ သိစေချင်ပါတယ်။

ရောဂါဖြစ်နေလျက်စောစီးစွာ ထိရောက်စွာ မကုမိခဲ့ရင်--
*ကုလည်းခဏပဲပျောက်တာ(ခနခနပြန်ဖြစ်နိုင်တာ)(Recurrent Vaginal Discharge)
*မျိုးပွားအင်္ဂါတွေရောင်ယမ်းစေတတ်တာ(ကာလတို/နာတာရှည်) (Acute/Chronic PID)
*နာတာရှည် ကိုက်ခဲလေးလံနေစေတတ်တာ(Chronic Pelvic Pain)နဲ့ အတူမနေနိုင်လောက်အောင်နာကျင်စေခြင်း(Severe Dyspareunia)
*မျိုးပွားအင်္ဂါများရောင်ယမ်းခြင်းမှတဆင့် ကလေးအရခက်တာ/သဘာဝအတိုင်းကလေးမရနိုင်တော့တာ(Infertility/Subfertility)
*ကင်ဆာရောဂါတစ်ခုခုကြောင့် ဆင်းနေတာမျိုးဆိုရင် အသိနောက်ကျနိုင်တာ တချို့ ကင်ဆာ မဖြစ်ခင်အခြေနေမှ ကင်တာအဆင့်ပြောင်းပြီးမှ သိတာ-
စတာတွေထိ ကြုံရနိုင်ပါတယ်။

ဒါကြောင့် ဖြစ်လာရင် စောစောပြ ထိရောက်စွာကု ပျောက်အောင်ကုဖို့ အကြံပြုချင်ပါတယ်။

ရောဂါမဖြစ်သေးရင်လည်းမဖြစ်အောင်ကာကွယ်နိုင်သင့်ပါတယ်။

ဆောင်ရန်ရှောင်ရန်တွေအနေနဲ့ကတော့-
----------------------------------------------------------
*တကိုယ်ရေ သန့်ရှင်းမှုဂရုပြုပါ။
*မိန်းမကိုယ် သန့်ရှင်းရေး ကိုသင့်တင့်သလောက် ပုံမှန်ပြုလုပ်ပါ။ (လက်ရှိ ပေါ်နေတဲ့ သန့်စင်ဆေးတွေ ကို "လိုအပ်သလောက်" အသုံးပြုခြင်းကလည်း အကျိုးရှိစေပါတယ်။ မိန်းမကိုယ်အက်ဆစ်ဓာတ်ကိုထိန်းသိမ်းပေးပြီးရောဂါပိုးဝင်ရောက်မှုကို တားဆီးနိုင်စေပါတယ်။)
*အားအင်ပြည့်ဝတဲ့အစားအသောက်တွေ အသီအရွက် တွေစားသုံးပါ။
*အအိပ်ပျက်/အစားပျက် အခြေနေမျိုးကိုရှောင်ပါ။
*ရေများများသောက်ပါ။
*ဒိန်ချဉ်ဟာ မိန်းမကိုယ်တွင်းရှိ အကျိုးပြုပိုးမွှားများ ပွားများမှုအားပေးတဲ့အတွက် ဒိန်ချဉ်ကိုလည်း ပုံမှန်သောက်သုံးသင့်ပါတယ်။
*ကိုယ်လက်လှုပ်ရှားတစ်ခု နေ့စဉ်ပြုပါ။
*အပေါ့ အလေးသွားပြီးတိုင်း သန့်ရှင်းရေးဂရုပြုလုပ်ဆောင်ပါ။ (ဆေးကြောရာမှာ ရှေ့မှနောက်သို့ သုတ်သင်ပါ။)
*အတွင်းခံကိုစိုထိုင်းမနေစေရန် ဂရုပြုပါ။ စိုထိုင်းနေလျင်လဲလှယ်ပါ။ ချည်သား ပွပွအတွင်းခံကိုရွေးချယ်ဝတ်ဆင်ပါ။
*လစဉ်သုံးပစ္စည်းများ အချိန်ကြာမြင့်စွာမလဲလှယ်ပဲသုံးတာမျိုးရှောင်ပါ။
*ဆီးချိုရောဂါ ရှိနေလျင် သေချာစွာကုသထိန်းချုပ်ဖို့ ကြိုးစားပါ။
*ပိုးသတ်ဆေးများကိုမလိုအပ်ဘဲသုံးစွဲမှုကိုရှောင်ပါ။
*ကိုယ်ခန္ဓာ ရောဂါပြီးစနစ် အစွမ်းကျဆင်းစေသောဆေးဝါး(စတီးရွိုက်များ=Steroids)များ မလိုအပ်ဘဲသုံးစွဲမှုကိုရှောင်ပါ။
*ဆီးလမ်းကြောင်းပိုးဝင်ခြင်း ဝမ်းပျက်ခြင်းများဖြစ်ပွားလျှင်ထိရောက်စွာ ကုသထားပါ။
*သန့်ချင်စိတ်နဲ့ ကြိမ်ဖန်များစွာ နေ့စဉ်ဆေးကြောခြင်းဟာ မိန်းမကိုယ်အတွင်းကအကျိုးပြုပိုးမွှားတွေကိုပါလျော့ပါးစေတဲ့အတွက်ရှောင်ကျဉ်ပါ။
*သန့်ရှင်းရေးပြုလုပ်ရာတွင် မသန့်စင်သောရေကိုမသုံးမိအောင်သတိထားပါ။
--------------------------------------------------------------------------

အချုပ်ဆိုရရင်--

*ဘယ်လိုအဖြူဆင်းတာမျိုးလဲဆိုတာနားလည်ပါစေ
*ရောဂါကြောင့်ဆင်းတဲ့မီးယပ်ဖြူ ဆိုရင်စောစီးစွာ ထိထိရောက်ရောက် ကုပါ။
*သေသေချာချာနားလည်ကျွမ်းကျင်သူနဲ့ကုရင်ပျောက်နိုင်တဲ့ရောဂါဖြစ်ပါတယ်
*ကုသင့်တာကို မကုမိရင် အကုနောက်ကျရင် ဆိုးကျိုးတွေ များစွာရှိတယ်ဆိုတာနားလည်ပါစေ။

အားလုံးကျန်းမာပျော်ရွှင်နိုင်ကြပါစေ။

မူရင်းရေးသားသူအား Credit ပေးပါသည်။
Credit - Dr Chit Kaung - OG
မူရင်းရေးသားသူ Link >>> https://m.facebook.com/story.php…

Dr.CK-OG@4/10/2015

https://www.facebook.com/momointernationaltrading/