သကြားပါသော ဖျော်ရည်များ သောက်လျှင် စောစောစီးစီး ဓမ္မတာလာ

သကြားပါသော ဖျော်ရည်များ သောက်လျှင် စောစောစီးစီး ဓမ္မတာလာ

သကြားပါသော ဖျော်ရည်များ မကြာခဏသောက်သုံးလေ့ရှိသည့် မိန်းကလေးများမှာ ယင်းဖျော်ရည်မျိုးမသောက်သုံးသော မိန်းကလေးများထက် အပျိုဖော်ဝင်ဓမ္မတာသွေးစတင်မှု စောနိုင်ကြောင်း လေ့လာမှုအသစ်တစ်ရပ်က ဖော်ပြသည်။

ယခုလေ့လာမှုကို အမေရိကန်နိုင်ငံရှိ ဟားဗတ်ဆေးကျောင်းမှ သုတေသီများက ပြုလုပ်ခဲ့ခြင်းဖြစ်သည်။ သုတေသီများက အသက်(၉)နှစ်နှင့် (၁၄)နှစ်ကြား မိန်းကလေး ၅,၅၈၃ ဦးကို ၁၉၉၆ နှင့်၂၀၀၁ ကြား လေ့လာခဲ့ခြင်းဖြစ်ပြီး တစ်နေ့လျှင် သကြားပါဝင်သော ဖျော်ရည် ၁ ဒသမ ၅ ခွက်သောက်သုံးလေ့ရှိသော မိန်းကလေးများမှာ ယင်းကဲ့သို့ ဖျော်ရည်မျိုးကို သီတင်းတစ်ပတ်လျှင် နှစ်ခွက်(သို့မဟုတ်) ယင်းထက်လျော့၍ သောက်သုံးသော မိန်းကလေးများ ထက် ၂ ဒသမ ၇ လစော၍ ပထမဆုံးအကြိမ် ဓမ္မတာလာကြောင်း လေ့လာတွေ့ရှိခဲ့သည်။

‘‘အဓိကစိုးရိမ်ရတာက ကလေးဘ၀မှာ အ၀လွန်ဖြစ်လာနိုင် တာပါ။ ဒါပေမဲ့ ခန္ဓာကိုယ်ညွှန်းကိန်း (BMI) အရ သကြားပါတဲ့ ဖျော်ရည်တွေသောက်လေ့ရှိတဲ့ မိန်းကလေးတွေဟာ ပထမဆုံး ဓမ္မ တာလာတဲ့အသက်အရွယ် ပိုစောတယ်ဆိုတာ ကျွန်မတို့ရဲ့ လေ့လာ မှုက ဖော်ပြနေပါတယ်’’ဟု ယခုလေ့လာမှုကို ဦးဆောင်သူလက် ထောက်ပါမောက္ခကာရင်မီချဲလ်က ပြောသည်။

သကြားပါဝင်သော ဖျော်ရည်များမှာ သစ်သီးဖျော်ရည်များကဲ့ သို့ သဘာဝအလျောက် ချိုသောဖျော်ရည်များထက် ခန္ဓာကိုယ်ထဲ သကြားဓာတ်ပမာဏကို လျင်မြန်စွာတိုးပွားစေသော ဓာတ်(Glycemic Index) ပိုများကြောင်း သိရသည်။

ခန္ဓာကိုယ်ထဲသကြားဓာတ် ပမာဏကို လျင်မြန်စွာတိုးပွားစေ သော အစားအသောက်များကြောင့် ခန္ဓာကိုယ်ထဲရှိ အင်ဆူလင် ဓာတ်များ ပိုမြင့်မားစေသည်။ အင်ဆူလင်စုဝေးမှု မြင့်မားပါက လိင် ဟော်မုန်းစုဝေးမှု ပိုမြင့်မားပြီး ခန္ဓာကိုယ်ထဲ လှည့်ပတ်နေသော ယင်းဟော်မုန်းများ စုဝေးမှုအတွင်း ကြီးမားသော ပြောင်းလဲမှုများမှာ စောစောစီးစီး ဓမ္မတာစလာခြင်းနှင့် ဆက်စပ်နေသည်။

ကဖိန်းဓာတ်စားသုံးမှု ပိုများခြင်းမှာလည်း စောစောစီးစီး ဓမ္မတာ စလာခြင်းနှင့် ဆက်စပ်မှုရှိကြောင်း သုတေသီများက ပြောသည်။ 

Credit: 7dayDaily